કંગના પર અપમાનજનક પ્રહાર કરવાથી સુપ્રિયા શ્રીનેતની મુશ્કેલીઓ વધી : રાષ્ટ્રીય મહિલા આયોગ સુપ્રિયાના અપમાનજનક વર્તનથી સ્તબ્ધ
- 26 Mar, 2024
દેશના રાજકારણમાં હાલ ચુંટણીનો માહોલ જામ્યો છે, નેતાઓ પુરા જોશ સાથે ચુંટણી પ્રચારમાં વ્યસ્ત છે,તેઓ પોતાના વિરોધીઓ ઉમેદવારો પર જાત જાત ના પહારો કરી સભાઓ ગજવી સામાન્ય જન માનસનું દિલ જીતવાન તનતોડ પ્રયત્નકરે છે. એવામાં હાલ કોંગ્રેસ નેતા સુપ્રિયા શ્રીનેત અભિનેત્રી કંગના પર વિવાદાસ્પદ ટિપ્પણી કરવાથી મુશ્કેલીમાં મુકાઇ ગયા છે.
જેને પગલે ભાજપના નેતાઓ સહિત સામાન્ય જનમાનસ પણ સુપ્રિયા પર આકરા પ્રહાર કરી રહ્યા છે. આ દરમિયાન, રાષ્ટ્રીય મહિલા આયોગ દ્વારા ચૂંટણી પંચને પત્ર લખીને સુપ્રિયા શ્રીનેતની કંગના રનૌત વિરુદ્ધની ટિપ્પણીની નોંધ લેવા માંગ કરી હતી. પ્રાપ્ત માહિતી મુજબ લોકસભાની ચૂંટણી માટે ભાજપે અભિનેત્રી કંગનાને હિમાચલ પ્રદેશની મંડી સીટ પરથી ઉમેદવાર બનાવી છે.
આ જાહેરાત થતાંની સાથે જ, સુપ્રિયા શ્રીનેતના ઇન્સ્ટાગ્રામ એકાઉન્ટ પરથી કંગના રનૌતની એક તસવીર શેર કરી જેમાં કંગનાના એક ફોટો પોસ્ટ કરી કેપ્શનમાં વિવાદાસ્પદ ટિપ્પણી કરવામાં આવી હતી. જ્યારે આ મામલે હોબાળો થયો ત્યારે આ પોસ્ટ ડિલીટ કરી દેવામાં આવી હતી. જેથી રાષ્ટ્રીય મહિલા આયોગના અધ્યક્ષ રેખા દ્વારા આ મામલે ચૂંટણી પંચનો સંપર્ક કરવામાં આવ્યો .
સુપ્રિયા શ્રીનેત એ કંગનાનો એક ફોટો મુક્યો જેના કેપ્શનમાં લખ્યું કે મંડીમાં શું ભાવ ચાલી રહ્યો છે આ એક વ્યક્તિગત અને કંગના શરીરના અંગ પર કરવામાં આવેલી અભદ્ર ટિપ્પણી હતી. કોઈ પણ મહિલા માટે આ એક અપમાન જનક વાત હોવાથી રાષ્ટ્રિય મહિલા આયોગ કંગનાના પક્ષમાં આવી છે.
કંગના રનૌતે પણ સુપ્રિયા શ્રીનેટને જવાબ આપ્યો છે. કંગનાએ કહ્યું- “પ્રિય સુપ્રિયા જી, એક કલાકાર તરીકે મારી કારકિર્દીના છેલ્લા 20 વર્ષોમાં, મેં તમામ પ્રકારની મહિલાઓની ભૂમિકા ભજવી છે. રાણીમાં એક નિર્દોષ છોકરીથી લઈને ધાકડમાં આકર્ષક જાસૂસ સુધી, મણિકર્ણિકામાં દેવી સુધી. એક રાક્ષસથી ચંદ્રમુખી માં, થલાઈવી માં એક ક્રાંતિકારી નેતા. આપણે આપણી દીકરીઓને બંધનમાંથી મુક્ત કરવી જોઈએ, આપણે તેમના શરીરના અંગો વિશેની જિજ્ઞાસાથી ઉપર ઊઠવું જોઈએ અને સૌથી વધુ આપણે જીવનને સ્વીકારવું જોઈએ. “દરેક સ્ત્રી તેના પોતાની ગરિમાની પાત્ર છે.”
આ સમગ્ર મામલે ઘેરાયા બાદ કોંગ્રેસ નેતા સુપ્રિયા શ્રીનેતે પણ ખુલાસો કર્યો છે. પોસ્ટ શેર કરતી વખતે તેણે કહ્યું – “ઘણા લોકો મારા ફેસબુક અને ઇન્સ્ટા એકાઉન્ટની ઍક્સેસ ધરાવે છે. તેમાંથી એકે આજે ખૂબ જ ઘૃણાસ્પદ અને વાંધાજનક પોસ્ટ કરી હતી. મને તેની જાણ થતાં જ મેં તે પોસ્ટ હટાવી દીધી. તે ગમે તે હોય. મને સારી રીતે ઓળખે છે કે હું કોઈ મહિલા વિશે અંગત અભદ્ર ટિપ્પણી કરતી નથી.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ